Александар Зверев остана без финале на Мастерсот во Шангај, откако загуби од Шпанецот Алехандро Давидовиќ Фокина со 2:1 во сетови (5:7, 6:4, 6:3). Со овој пораз, Германецот го одложи и обидот да се доближи до првото место на АТП-листата. Зверев го освои првиот сет, но Шпанецот возврати во продолжението, наметнувајќи силно темпо од основната линија. По израмнувањето на 1:1, Давидовиќ Фокина направи брејк на почетокот од решавачкиот сет и ја задржа предноста до крајот.

„Се концентрирав на секој поен и не размислував за резултатот. Во третиот сет се чувствував и физички посилен“, изјави Шпанецот по победата.

Давидовиќ Фокина, кој е 26. на АТП-листата, ја забележа шестата победа против тенисер од најдобрите пет во светот. Воедно, ја продолжи серијата на девет последователни победи во Кина, по титулата во Ченгду минатиот месец. Шпанецот сега го очекува второто Мастерс-финале во кариерата, каде што ќе се соочи со победникот од дуелот меѓу Данил Медведев и Рафаел Ходар.

Statement made in Shanghai 😤

Alejandro Davidovich Fokina completes the comeback against Zverev to reach the Rolex Shanghai Masters final for the very first time.

@SH_RolexMasters | #RolexShanghaiMasters https://t.co/vAmdkDtIbx

— ATP Tour (@atptour) October 17, 2026