Францускиот офанзивец Мајкл Олисе ги воодушеви сите со двете асистенции во победата над Шведска со 3:0. По натпреварот, легендарниот Зинедин Зидан упати огромни комплименти за одличното крило на Баерн Минхен.

„По ова вечерашно издание, мора да почнеме да го нарекуваме Олисе еден од најдобрите плејмејкери на планетата“, изјави Зидан.

Легендарниот ас беше најмногу импресиониран од неговото фантастично разбирање на фудбалската игра на теренот.

„Тој точно знае кога да забави, кога да забрза и кога да го упати последниот пас“, додаде популарниот Зизу.

Тој смета дека младиот фудбалер е посебна категорија и заслужува да биде во потесниот круг за Златната топка.

Поранешниот француски дефанзивец Вили Сањол беше уште подиректен во своите прогнози за ова големо признание.

„Момчето во овој момент е најдобро во светот. Ако не ја добие наградата на крајот од годината, ќе знам дека нешто сериозно не е во ред со денешниот фудбал“, порача Сањол.

Олисе зад себе има неверојатна сезона со дури 27 постигнати гола и 39 асистенции за клубот и репрезентацијата.