Долгите недели исполнети со медиумски шпекулации и постојани гласини конечно добија дефинитивна завршница. Жозе Мурињо се враќа на „Сантјаго Бернабеу“. Водечките европски медиуми пренесуваат дека португалскиот стратег постигнал конечен договор со раководството на шпанскиот гигант и наскоро ќе биде официјално промовиран како нов шеф на стручниот штаб.

Првиот човек на клубот, Флорентино Перез, уште еднаш покажа колку верува во квалитетите на тренерот кој веќе остави длабок траг во историјата на Мадрид, договарајќи соработка со важност до летото 2029 година. Управата на Реал Мадрид не сакаше ништо да препушти на случајот и реши експресно да ја затвори зделката без да го чека исходот од претседателските избори, особено бидејќи Португалецот во меѓувреме имал отворена понуда од Бенфика.

Информациите од Шпанија говорат дека еден од клучните услови во преговорите биле одврзаните раце околу трансфер-политиката кои Мурињо ги побарал од Перез. Португалскиот стручњак инсистирал на главниот збор при изборот на засилувања и комплетна контрола врз играчкиот кадар, барање кое веднаш му било одобрено. Пред трофејниот менаџер сега е сериозна задача бидејќи „кралскиот клуб“ планира темелна реконструкција на тимот, со посебен акцент на дефанзивната линија која претрпе сериозни критики во изминатиот период. Официјалната потврда на овој голем договор се очекува во следните неколку денови.