Еден од најдобрите дански фудбалери Кристијан Ериксен се наоѓа на нова животна и кариерна раскрсница откако денеска спогодбено го раскина договорот со Волфсбург. Три месеци по драмaтичниот инцидент на пријателскиот меч меѓу Данска и Украина, каде што мораше да реагира неговиот вграден дефибрилатор, 34-годишниот плејмејкер и германскиот клуб одлучија дека во овој момент најдобро решение е разделбата.

Иако првичните лекарски прегледи даваа надеж за негово брзо враќање на терените за време на летните подготовки, здравствениот приоритет и мирот сепак преовладеаја. По целосната стабилизација на неговата состојба, Ериксен реши да ги стави фудбалските обврски во втор план и да се врати во татковината.

„Во овој момент за мене е најважно да бидам блиску до своето семејство во Данска. Среќен сум што заедно со клубот успеавме да пронајдеме заемно решение“, порача данскиот репрезентативец.

Засега останува отворено прашањето дали овој потег означува дефинитивен крај на една од најинспиративните кариери во модерниот фудбал или само уште една привремена пауза за еден од најдобрите дански фудбалери на 21. век.