Љубителите на боречките вештини во регионот добија уште една одлична вест пред претстојниот УФЦ натпревар во Белград. Српскиот борец Борислав Николиќ влегува во борбата во пердув категорија (до 66 кг) на само една недела пред одржувањето на настанот. Тој доаѓа како замена за повредениот Хосијас Мусаса, а информацијата ја потврди ММА новинарот Марсел Дорф.

За Николиќ ова ќе биде официјално деби во најсилната светска ММА промоција. Тој зад себе има одлична професионална кариера со биланс од 16 победи и 2 порази. Негов противник во октагонот ќе биде Русинот Марк Вологдин (12-4), за кого ова ќе биде втор настап во УФЦ, по дебитантското реми против Џон Кастањеда.

Борецот со прекар „Зомби“ тренира во клубот „Цар Душан Силни“. Како негов најголем досегашен успех се издвојува освојувањето на шампионскиот појас во категоријата до 61 килограм во организацијата Брејв.