Иднината на Душан Влаховиќ наскоро би можела да добие конечна разврска, откако Бешикташ јавно потврди дека започнал преговори со српскиот напаѓач. Претседателот на турскиот клуб, Сердал Адали, откри дека Влаховиќ е една од главните трансферни цели на истанбулскиот гигант.

„Работиме на тоа, разговараме со Влаховиќ“, кратко изјави Адали за турските медиуми, без да открива повеќе детали околу можниот договор.

Српскиот репрезентативец е слободен агент од 1 јули, откако му истече договорот со Јувентус. Влаховиќ во летниот период очекуваше понуди од најсилните европски лиги, но досега Бешикташ се наметна како една од најконкретните опции за продолжување на неговата кариера. Дополнителен плус за турскиот тим е тренерот Винченцо Италијано, кој добро го познава напаѓачот од периодот во Фиорентина, каде Влаховиќ ги имаше најдобрите моменти во кариерата.