Виљареал ја продолжи добрата форма во Ла Лига и запиша втора победа по ред. „Жолтата подморница“ на домашен терен го совлада Леванте со 3-1 во натпревар со интересен расплет и четири погодоци. Гостите успеваа да му парираат на противникот, но Виљареал беше поконкретен во клучните моменти.

Домаќинот прв стигна до предност во 41. минута. Алберто Молеро испрати одлична топка во казнениот простор, а Ајосе Перез ја искористи шансата и погоди за 1-0.

Леванте немаше потреба долго да чека за одговор. Само неколку секунди подоцна, Иван Ромеро го искористи центаршутот на Џереми Толјан и го израмни резултатот на 1-1.

Виљареал повторно поведе во 54. минута. Илиас Ахомаш го проигра Молеро, кој со прецизна завршница донесе нова предност за домаќинот.

Точка на натпреварот стави Жорж Микаутаѕе во 86. минута, откако влезе од клупата. Во акцијата повторно учествуваше Молеро, кој имаше значаен удел во одличното издание на својот тим.

Со новите три бода, Виљареал се искачи на осмата позиција на табелата. Леванте, пак, го претрпе третиот пораз сезонава, втор последователен, и остана на 17. место.