Вистински спектакл и голема сензација донесе дуелот од 2. коло во Лигата на шампионите, каде што норвешки Викинг и германскиот гигант Баерн Минхен ги поделија бодовите во одлично реми од 3:3.

Домаќините влегоа во мечот од соништата и уште во 2. минута преку Џани Стенснес поведоа со 1:0, за во 38. минута Петер Кристиансен да ја зголеми предноста и да донесе шокантни 2:0 на полувреме. Стратегот на Баерн, Венсент Компани, веднаш реагираше со тројна измена на паузата, по што започна големиот притисок на гостите.

Пресвртот започна во 55. минута кога по ВАР-интервенција беше досуден пенал за баварците, кој Хари Кејн сигурно го реализираше за 2:1. Само пет минути подоцна, англискиот напаѓач со удар со глава израмни на 2:2, а во 71. минута Луис Дијаз го круниса притисокот и донесе целосен пресврт и водство за Баерн од 2:3.

Сепак, наместо мирна завршница, германскиот шампион се доведе во неволја откако Мајкл Олисе заработи брз црвен картон поради приговор кон судијата Георги Кабаков. Домаќините ја искористија бројчената предност на теренот и во 90. минута преку резервистот Херман Јохан Хауген погодија со глава за конечни 3:3 и огромно славје во Норвешка.