Макс Верстапен денешната трка за Големата награда на Унгарија ќе ја започне од четвртата позиција благодарение на казните на Хамилтон и Антонели, иако во квалификациите оствари дури шесто време. Четирикратниот светски шампион минува низ исклучително тешка сезона во која сè уште нема победа ниту пол-позиција, па моментално се наоѓа дури на седмото место во генералниот пласман.

Холанѓанецот имаше и излетување во одлучувачкиот брз круг, по што отворено го искажа незадоволството од однесувањето на болидот на Ред Бул. Тој истакна дека возилото станува сè потешко за управување од круг во круг, а губењето на зафатот во свиоците го прави болидот речиси неконтролиран за возење.

Сезоната исполнета со технички проблеми веќе го наведе Верстапен во текот на годинава јавно да спомене и можно повлекување од Формула 1 на крајот од шампионатот. Пред денешниот старт на „Хунгароринг“, во таборот на Ред Бул предстои тешка задача за изнаоѓање какви било решенија за подобрување на перформансите.