Виктор Вембањама одби да зборува со медиумите по поразот на Сан Антонио во петтиот натпревар од конференциското финале. Поради овој неочекуван потег на младата француска кошаркарска ѕвезда, веднаш реагираше и раководството на најсилната НБА лига. Вембањама го одигра еден од најлошите мечеви во плеј-офот со само 4 погодоци од 15 шутеви од игра.

Тој ја заврши средбата со скромни 6 скокови, а неговиот тим Сан Антонио забележа негативен биланс од -8 поени. По овој триумф екипата на Оклахома поведе со 3:2 во финалната серија и се наоѓа пред историски пласман.

Медиумите пренесуваат дека разочараниот Французин само поминал покрај новинарите и рамнодушно се упатил директно кон тимскиот автобус. Со ваквото однесување тој ги прекрши официјалните правила, па затоа веќе доби сериозно предупредување од челниците на НБА. Ова е големо изненадување за јавноста бидејќи младиот кошаркар претходно секогаш беше максимално професионален и отворен за разговор.

Следниот шести натпревар од оваа возбудлива серија се игра набрзо, а Сан Антонио едноставно мора да брка задолжителна мајсторка.