Лос Анџелес Лејкерс се подготвуваат за исклучително важно лето во кое ќе имаат доволно простор во буџетот за промени. За разлика од минатата година, тимот сега има пари за да донесе вистински засилувања. Главната цел на франшизата останува јасна, а тоа е градење на моќен тим околу Лука Дончиќ.

Најважен приоритет за генералниот менаџер Роб Пелинка е враќањето на Остин Ривс во тимот. Оваа желба ја делат и раководството и самиот словенечки кошаркар. Од друга страна, иднината на Леброн Џејмс сè уште е вистинска енигма. Кралот се поврзува со Голден Стејт, но неговиот приватен бизнис и живот се цврсто врзани за Лос Анџелес.

За да му се помогне на Дончиќ, на Лејкерс им требаат дефанзивци, сигурни шутери и секундарни креатори. Како прва опција се споменува Квентин Грајмс, кој бара договор од најмалку 16 милиони долари. Втора голема желба е центарот на Њујорк Никс, Мичел Робинсон, кој би бил идеален партнер за Лука во пик-ен-рол играта.

Покрај нив, низ кошаркарските кулоари веќе се шпекулира и за Ајо Досунму и Кели Убре Џуниор. Пелинка ќе мора брзо да пронајде квалитетни играчи кои се подготвени да „гинат“ во одбраната. Доколку не успее во тоа, Лејкерс ризикуваат да ги потрошат залудно најдобрите години од кариерата на Дончиќ.