Новата сезона во Германија започна со трофеј за Баерн Минхен. Баварците го совладаа тимот на Борусија Дортмунд со 2-1 на „Сигнал Идуна Парк“ и го освоија Суперкупот на Германија, која од оваа година го носи името на легендарниот Франц Бекенбауер. Баерн одигра одлично прво полувреме и заслужено стекна предност од два гола. Натаниел Браун го отвори резултатот во 28. минута, а во судиското продолжение од првиот дел Мајкл Олисе погоди за 2-0.

Дортмунд во второто полувреме заигра далеку поагресивно и успеа да ја врати неизвесноста. Фабио Силва во 75. минута намали на 1-2, по што домаќините тргнаа во целосна офанзива. Во финишот ситуацијата дополнително се искомплицира за Дортмунд. Рами Бенсебајни во 90. минута доби директен црвен картон, но и со играч помалку „милионерите“ добија огромна шанса за израмнување.

Максимилијан Баер, сепак, не успеа да ја искористи шансата во судиското продолжение, па Баерн го задржа водството и стигна до првиот трофеј во сезоната. За баварскиот гигант ова е 12. Суперкуп на Германија во клупската историја, со што сезоната под водство на Винсент Компани започнува на најдобар можен начин.