Поранешниот селектор на Хрватска, Златко Далиќ, брзо стана еден од најбараните стручњаци на репрезентативната сцена по спогодбената разделба со хрватската куќа на фудбалот. Стратегот кој ги донесе најголемите успеси во историјата на „коцкестите“, освојувајќи светско сребро и бронза — на својата маса веќе има официјални понуди од три национални сојузи: Обединетите Арапски Емирати, Саудиска Арабија и Јужна Кореја.

Според информациите на „Спортске новости“, Далиќ во моментот е најблиску до прифаќање на понудата од ОАЕ. Како дополнителен мотив за заминување на Блискиот Исток се наведуваат и паралелните преговори на Бранко Иванковиќ за директорската позиција во тамошниот сојуз, што значително би ја олеснило работата и реализацијата на тактичките идеи на хрватскиот тренер.

Конечната одлука треба да биде донесена во следните неколку дена, бидејќи Далиќ сака што побрзо да го дефинира својот нов ангажман. На клупата на хрватската репрезентација, каде што изгради незаборавна ера предводејќи го тимот со Лука Модриќ, на негово место веќе пристигна Славен Билиќ.