Претседателот на САД, Доналд Трамп, отворено му даде поддршка на првиот човек на ФИФА, Џани Инфантино, чија позиција е сериозно затресена по контроверзниот план за вклучување на приватни инвеститори во комерцијалното работење на Светското првенство. Трамп преку социјалните мрежи порача дека евентуалната смена на Инфантино би била катастрофален потег со несакани последици за светската фудбалска куќа.

„ФИФА би направила ужасна грешка доколку од која било причина разгледува замена за Џани Инфантино“, истакна Трамп, оценувајќи дека тој завршил фантастична работа на челото на организацијата. Сепак, притисокот врз претседателот на ФИФА сè повеќе расте одвнатре. УЕФА, Азиската фудбалска конфедерација (АФЦ) и КОНКАКАФ веќе одржаа првични состаноци на кои ги разгледуваат чекорите за негово можно повлекување пред следните избори.

FIFA would be making a terrible mistake if, for any reason, they even considered replacing President Gianni Infantino. He is fantastic, having just presided over the most successful World Cup, by four times, ever presented. If he is gone, it will never be as successful or… pic.twitter.com/siI87iuSab

— Commentary Donald J. Trump Truth Social Posts On X (@TrumpTruthOnX) August 11, 2026

Големиот раздор настана по предлогот за формирање посебна компанија која би управувала со сите комерцијални и оперативни работи на турнирите на ФИФА, при што околу 20 проценти од сопственичкиот удел би им се продале на приватни инвеститори. Иако Инфантино јавно се извини за овој потег, трите конфедерации побараа независна ревизија и предупредија дека управувањето со светскиот фудбал не смее да се третира како приватна сопственост.