Томас Рајс по само два месеци го напушта Лудогорец и кариерата ќе ја продолжи во Турција, каде што ќе седне на клупата на Трабзонспор.

Германскиот стратег веќе пристигна во Трабзон со приватен авион, откако турскиот клуб го презеде од аеродромот во Варна. На неговото пристигнување го пречекаа голем број навивачи и медиуми, а во следниот период се очекува официјално да биде промовиран како нов тренер на тимот. Преговорите се одвивале во текот на денот. Трабзонспор првично разговарал со Стефано Пиоли, но откако не бил постигнат договор, раководството брзо се насочило кон Рајс.

За реализација на трансферот на тренерот, турскиот клуб ја активирал откупната клаузула во неговиот договор со Лудогорец. Таа изнесува еден милион евра, па бугарскиот клуб немал можност да го спречи неговото заминување. Рајс го напушта Лудогорец веднаш по победата од 2:1 против ФК Септември Софија во понеделникот. Под негово водство, тимот во бугарското првенство забележа седум победи и две нерешени средби, без пораз на домашната сцена.

Германецот сега го очекува нов предизвик во Турција, а доколку сè помине според планот, своето деби на клупата на Трабзонспор би можел да го има во големото дерби против Галатасарај.