Фудбалерите на Вардар вечерва го играат реванш-натпреварот против Рига во второто квалификациско коло од Конференциската лига. Скопските црвено-црни ќе бркаат победа по поразот од 2:3 на првиот меч.

Стратегот Кристијан Фабијани се одлучи за само една промена во првиот тим. На местото на Бобан Николов стартува Иан Пулејо, а Кастењада ќе има подефанзивна улога.

Забележително е што репрезентативниот стопер Дарко Велковски се врати во тимот, но дуелот ќе го започне од клупата за резерви.

Вардар го започнува мечот со: Талески, Јанкулов, Најдовски, Матиќ, Маневски, Кастењада, Бабунски, Пулејо, Пиреш, Родригес и Омерагиќ.

Натпреварот меѓу Рига и Вардар се игра на стадионот „Сконто“ со почеток од 19:00 часот.