Женската одбојкарска репрезентација на Србија го освои бронзениот медал на Европското првенство, откако во мечот за третото место ја совлада Полска со 3:1. Србинките одиграа одлично во првите два сета и со 25:21 и 25:19 направија голем чекор кон победата. Сепак, натпреварот доби неочекуван тек во третиот сет, кога селекторот Зоран Терзиќ почувствувал здравствени проблеми и побарал дозвола да ја напушти клупата.

Терзиќ, во придружба на лекарот на репрезентацијата, заминал во соблекувалната, што очигледно влијаело врз концентрацијата на српските одбојкарки. Полска ја искористи ситуацијата и убедливо го доби третиот сет со 25:15. По дополнителната пауза, Србија повторно ја презеде контролата врз играта и во четвртиот сет славеше со 25:18, со што ја потврди победата и стигна до бронзениот медал.

Така, српската селекција го заврши шампионатот со одлично одличје, и покрај драматичниот момент кој ја одбележа завршницата на натпреварот.