Натпреварот меѓу Иран и Нов Зеланд (2:2) донесе уникатно остварување во фудбалската историја. Со влегувањето во игра на 21-годишниот дефанзивец Тајлер Биндон, за првпат на светските шампионати се запиша дуото мајка и син. Неговата мајка, Џени Биндон, беше славна голманка на Нов Зеланд на женските мундијали во 2007 и 2011 година.

Овој успех е уште пофасцинантен бидејќи Џени настапуваше на големата сцена откако го роди Тајлер во 2005 година, а воедно беше и највозрасен учесник на Олимписките игри во 2012 година со 39 години. Денес таа работи како помошен тренер во Лондон Сити Лајнесес.

Младиот Тајлер, кој е член на Нотингем Форест (минатата сезона како позајмен во Шефилд Јунајтед), веќе има 26 настапи за својата земја. Инаку, тој потекнува од комплетно спортско семејство, со оглед на тоа што неговиот татко, Грант Биндон, е поранешен капитен на одбојкарската репрезентација на Нов Зеланд.