Големото дерби меѓу Новак Ѓоковиќ и Данил Медведев во полуфиналето на АТП 500 турнирот во Пекинг заврши на неочекуван и бизарен начин, откако рускиот тенисер беше дисквалификуван во моментот кога Србинот сервираше за победа.

Ѓоковиќ го имаше мечот под целосна контрола, откако го освои првиот сет со 7-5 и имаше водство од 5-3 и 15-15 во вториот сет, на чекор до потврда на пласманот во финалето. По завршувањето на вториот поен во деветтиот гем, нервозниот Медведев во афект испрати еден силен бекхенд кон трибините, при што топчето директно погоди еден од гледачите во окото.

По кратките консултации меѓу главниот судија и супервизорот на турнирот, на Русинот му беше изречена автоматска дисквалификација во согласност со строгите правила на АТП за загрозување на безбедноста на публиката.

Со ваквиот епилог, Ѓоковиќ автоматски го завери своето место во големото финале во Пекинг, каде што за титулата ќе ги одмери силите со победникот од пресметката меѓу Алекс де Минор и Хуберт Хуркач.

🚨 DANIIL MEDVEDEV DESCALIFICADO POR PEGARLE UN PELOTAZO A UN ESPECTADOR EN LA CARA.

NOVAK DJOKOVIC ES FINALISTA EN BEIJING ‼️ https://t.co/YC2e4SYzMA

— Tiempo De Tenis (@Tiempodetenis1) October 5, 2026