Тревникот пред Белата куќа ноќва ќе биде домаќин на најексклузивниот ММА настан во историјата. По повод големиот јубилеј и 250 години од независноста на САД, најмоќната боречка организација го организира спектаклот „UFC Freedom 250“, каде во рамките на седум врвни борби ќе се решава судбината на два шампионски појаси.
Судир на генерации меѓу Топурија и искусниот Гејџи
Главната борба на вечерта носи вистинска војна во лесна категорија меѓу непоразениот шампион Илија Топурија и прекалениот кошаркан на октагонот, Џастин Гејџи. Шпанецот моментално го има можеби најимпресивното резиме во организацијата откако по ред ги исчисти Волкановски, Холовеј и Оливеира, па со евентуален нов триумф дефинитивно ќе се зацементира меѓу најдобрите борци на сите времиња.
Гејџи влегува во овој меч како сериозен аутсајдер кај пошироката јавност, најмногу поради разликата во годините и претрпената штета во досегашните брутални војни. Сепак, неговите разорни лоу-кикови можат да бидат клучен фактор доколку успее да го забави движењето и да ја неутрализира експлозивноста на шампионот пред да прими некој од неговите хируршки прецизни боксерски проектили.
The world will be watching 👀@TopuriaIlia vs @Justin_Gaethje#UFCWhiteHouse LIVE Sunday June 14 at 8pmET on @ParamountPlus!
[ Title fights presented by @Cryptocom ] pic.twitter.com/zjEuQky0eb
— UFC (@ufc) June 14, 2026
Алекс Переира напаѓа историски појас во трета категорија
Алекс Переира има луда мисија да стане првиот борец во историјата на УФЦ кој освоил титули во три различни тежински класи. Откако веќе владееше во средна и во полутешка категорија, Бразилецот сега се сели кај најтешките каде ќе ги вкрсти ракавиците со Сирил Ган за привремениот појас, со оглед на тоа што актуелниот шампион Том Аспинал сè уште закрепнува од тешка повреда.
Ова е класичен судир на стилови во кој мобилноста, брзите директи и незгодните удари во телото на Французинот ќе се судрат со разорната моќ и препознатливото лево кроше на Переира. Најголем знак прашалник за Бразилецот ќе биде драстичната промена на тежината, бидејќи на официјалното мерење се појави со дури 114 килограми, што е за 30 повеќе во споредба со периодот кога се бореше во средна категорија.
Fate will decide.@AlexPereiraUFC vs @Ciryl_Gane#UFCWhiteHouse LIVE Sunday June 14 at 8pmET on @ParamountPlus!
[ Title fights presented by @Cryptocom ] pic.twitter.com/cVE8Qn1T8i
— UFC (@ufc) June 14, 2026
Пеколна поддршка на главната програма
Остатокот од вечерта гарантира сериозен налет на адреналин за сите фанови на мешаните боречки вештини. Маурисио Руфи го предизвикува секогаш агресивниот Мајкл Чендлер во меч кој ветува константен притисок, додека Диего Лопес и Стив Гарсија најавуваат отворена војна и брз нокаут уште на самиот старт на главната програма.
Поранешниот шампион Шон О’Мали ќе бара враќање на победничките патеки во пресметката против Ајман Захаби, а тешкашот Џош Хокит ќе го има најтешкиот испит во кариерата против „црниот ѕвер“ и миленик на Доналд Трамп, искусниот Дерек Луис.