Меѓународен фудбал Светски првенства Фудбал

Спектакл во Каиро, илјадници навивачи го славеа Египет како освојувач на Мундијалот! (ВИДЕО)

Иако нивниот настап на Светското првенство заврши во осминафиналето, египетските фудбалери дома беа пречекани како вистински херои. Илјадници навивачи се собраа на меѓународниот аеродром „Ел Аламеин“ за да им приредат спектакуларен пречек на Мохамед Салах и неговите соиграчи по враќањето од САД. Во чест на историскиот успех, беше организирана и парада со автобус со отворен покрив низ Њу Аламеин, додека на возилото стоеше пораката „100 милиони благодарности“, симбол на признанието што јавноста им го оддаде на репрезентативците.

Египет го заврши својот настап со драматичен пораз од Аргентина (3:2) во осминафиналето, иако имаше водство од 2:0 до самиот финиш на натпреварот. Сепак, ова останува најуспешниот настап на „фараоните“ на едно Светско првенство, бидејќи за првпат ја минаа групната фаза и забележаа победа на мундијалските финалиња. Според најавите, египетскиот претседател Абдел Фатах ел-Сиси ќе ја прими репрезентацијата за да им оддаде признание за историскиот резултат и за промоцијата на египетскиот фудбал на светската сцена.

 

Содржината, авторските текстови, материјали, фотографии, видеа и друга мултимедијална содржина на Sportei.mk се заштитени со Законот за авторско право и не смеат да се користат или злоупотребуваат без претходна писмена согласност од редакцијата.

No more posts to load.