Ливерпул го совлада Рексам со 1:0 на пријателскиот меч одигран во Њујорк, но победата на тимот предводен од Андони Ираола брзо падна во втор план. По последниот судиски свиреж на теренот изби сериозна конфронтација меѓу Куртис Џонс и Доминик Собослаи, чии снимки експресно се проширија на социјалните мрежи.
По завршувањето на средбата, двајцата фудбалери влегоа во вербален конфликт кој траеше речиси две минути. Ситуацијата ескалираше со остри гестикулации и меѓусебно туркање по градите, па мораа да интервенираат нивните соиграчи Костас Цимикас и Џереми Фримпонг, како и членовите на стручниот штаб, за да спречат потежок инцидент.
🚨BREAKING NEWS🚨
Liverpool are DOING what they should have done a long time AGO!
Richard Hughes”I don’t tolerate this nonsense”
Jones was SEEN in a HEATED on field argument with Szoboszlai,because he handed ARMBAND to Tsimikas instead of HIM had to be SEPERATED by teammates pic.twitter.com/HMaPuwVjsN
— Styles (@flowrtz__styles) July 30, 2026
Главна тема меѓу навивачите веднаш стана капитенската лента. Собослаи ја започна средбата како капитен, а при неговата замена во 76. минута му ја предаде на Цимикас и покрај тоа што Џонс веќе беше во игра. Иако првичните претпоставки беа дека англискиот фудбалер збеснал бидејќи бил прескокнат, деталните видеозаписи покажуваат дека Унгарецот прво му ја понудил лентата на Фримпонг, кој потоа го насочил кон грчкиот дефанзивец.
Клубот од „Енфилд“ сè уште се нема огласено со официјално соопштение, па точната причина за тензијата меѓу соиграчите кои имаат речиси 100 заеднички настапи засега останува непозната. Независно од тоа дали поводот бил изборот на капитен или некоја ситуација од самиот меч, реакцијата на Џонс покажа дека Ираола ќе мора брзо да ги решава искрите во соблекувалната.