Словенечкиот арбитар Славко Винчиќ ќе ја дели правдата на финалниот натпревар на Светското првенство. Одлуката официјално ја соопшти претседателот на Судиската комисија на ФИФА, легендарниот Пјерлуиџи Колина. На состанокот со сите делители на правдата, Винчиќ едвај ги задржа солзите од возбуда по големото признание. Неговите колеги веднаш му пријдоа во срдечен прегрнатка за да му ја честитаат историската задача.

Ова е убедливо најважниот натпревар во кариерата на искусниот словенечки судија. Претходно тој ја делеше правдата во финалето на Лигата на шампионите пред две години во Лондон. Исто така, Винчиќ беше главен арбитар и на финалето во Лига Европа во 2022 година. На овој Мундијал тој веќе одработи одлична задача на три натпревари во групната фаза.

Introducing your referee for the @FIFAWorldCup 2026 Final….🥁

Congratulations, Slavko Vinčić! 👏 pic.twitter.com/OMLJ3oA31p

— FIFA (@FIFAcom) July 17, 2026

Интересно е што словенечкиот судија веќе има судено на натпревар на Аргентина на Светското првенство во 2022 година. Тој беше на центарот при сензационалниот пораз на „гаучосите“ од Саудиска Арабија. Овој детаљ сигурно нема да им се допадне на посуеверните навивачи на актуелниот светски шампион.

На финалниот натпревар помошници на Винчиќ ќе му бидат сонародниците Томаж Кланчник и Андраж Ковачиќ. Улогата на четврти и петти судија на овој меч ќе ја вршат арбитрите Адам Махадме и Мохамад Алкалаф од Јордан.