Светското првенство во фудбал, кое со нетрпение се очекува ширум планетата, се соочува со сериозен скандал уште пред да започне првиот натпревар. Наместо за спортските подготовки, фокусот на јавноста се префрли на правната битка во САД, каде што моќната фудбалска организација е обвинета за манипулација со навивачите и вештачко пумпање на цените.

Главните обвинители на Њујорк и Њу Џерси, Летиша Џејмс и Џенифер Девенпорт, покренаа официјална истрага против Светската фудбалска федерација (ФИФА). До организацијата веќе се доставени судски покани со кои се бара итна и детална завршница околу начинот на кој се продаваат и тарифираат билетите за претстојниот Мундијал. Истрагата, поддржана и од Одделението за заштита на потрошувачи во Њујорк, првенствено се фокусира на осум натпревари кои треба да се одиграат на стадионот „МетЛајф“, вклучувајќи го и големото финале закажано за 19 јули.

Сржта на проблемот лежи во сериозните обвинувања за измама на купувачите преку деградација на седиштата. ФИФА првично ги продаваше најскапите карти во рамките на таканаречената „Категорија 1“, но откако фановите ги потрошија парите, федерацијата вештачки воведе нова, уште поскапа поткатегорија. На тој начин, луѓето кои платија премиум цени за првите редови, буквално беа турнати наназад или позиционирани зад головите, со изговор од ФИФА дека првичните мапи биле само индикативни. Навивачите се чувствуваат измамени бидејќи за огромни суми добија значително полоши места од ветените.

Обвинителката Девенпорт остро реагираше со став дека ФИФА го претворила купувањето билети во лавиринт од конфузија, вештачки создаден дефицит и нереално високи цени, сето тоа директно на штета на потрошувачите.

Вториот дел од истрагата се однесува на таканареченото „динамичко одредување на цените“, каде вредноста на билетот расте правопропорционално со побарувачката. Анализите покажуваат дека во изминатиот период ФИФА ги кренала цените за повеќе од 90 натпревари. Најдрастичните поскапувања изнесуваат над 34 отсто, па така најексклузивните билети од почетни 6.730 долари достигнаа вртоглави 10.990 долари.

Оваа правна разрешница е кулминација на веќе затегнатите односи меѓу локалните власти и светската куќа на фудбалот. Гувернерката на Њу Џерси, Мајки Шерил, јавно ја поддржа истрагата и нагласи дека никому нема да му биде дозволено да ги експлоатира граѓаните и гостите кои доаѓаат на Мундијалот.

Од ФИФА се бранат со ставот дека цените се одраз на пазарните норми во Северна Америка и огромниот интерес, тврдејќи дека профитот се реинвестира во развојот на фудбалот. Правните експерти сметаат дека со оглед на тромоста на процедурите, конечен епилог од истрагата нема да има пред стартот на првенството на 11 јуни, но властите веќе ги повикаа сите оштетени фанови масовно да поднесуваат пријави.