Селекторот на аргентинската репрезентација, Лионел Скалони, официјално ги откри картите и го објави финалниот список од 26 фудбалери кои ќе патуваат на планетарниот собир.

Главната вест е дека јадрото на тимот останува недопрено. Прв меѓу еднаквите е капитенот Лионел Меси, за кого овој шампионат ќе биде историски, рекорден шести во неговата кариера. Покрај него, Скалони цврсто верува во докажаните сили кои го носеа најголемиот товар во изминатиот период, Хулиан Алварез, Енцо Фернандес и незаменливиот чувар на мрежата, Емилиано Мартинес.

Како и секогаш, некои големи имиња мораа да бидат прецртани. На пат за Мундијалот овојпат нема да тргнат Пауло Дибала и Алехандро Гарначо, а надвор од комбинација останаа и Франко Мастантуоно, Маркос Сенеси, Матиас Суле, Анхел Кореа и Емилиано Буендија.

Голмани:

• Емилиано Мартинес (Астон Вила)

• Херонимо Рули (Марсеј)

• Хуан Мусо (Атлетико Мадрид)

Одбрана:

• Лисандро Мартинес (Манчестер Јунајтед)

• Кристијан Ромеро (Тотенхем)

• Николас Отаменди (Бенфика)

• Леонардо Балерди (Марсеј)

• Факундо Медина (Марсеј)

• Николас Таљафико (Лион)

• Науел Молина (Атлетико Мадрид)

• Гонсало Монтиел (Ривер Плата)

Среден ред:

• Енцо Фернандес (Челси)

• Алексис МекАлистер (Ливерпул)

• Родриго Де Пол (Интер Мајами)

• Есекиел Паласиос (Баер Леверкузен)

• Џовани Ло Селсо (Бетис)

• Леандро Паредес (Бока Јуниорс)

• Валентин Барко (Стразбур)

Напад:

• Лионел Меси (Интер Мајами)

• Хулиан Алварес (Атлетико Мадрид)

• Лаутаро Мартинес (Интер)

• Николас Гонзалес (Атлетико Мадрид)

• Џулиано Симеоне (Атлетико Мадрид)

• Тиаго Алмада (Атлетико Мадрид)

• Нико Паз (Комо)

• Флако Лопез (Палмеирас)