Јаник Синер нема да настапи на Мастерсот во Синсинати, откако поради проблеми со коленото беше принуден да го откаже учеството на турнирот. Италијанецот неодамна беше на лекарски прегледи во Милано, но очигледно повредата сè уште не е целосно санирана. Синер по финалето на Вимблдон нема одиграно ниту еден официјален натпревар, а сега ќе продолжи со подготовките за претстојниот УС Опен.

„По консултација со лекарите и мојот тим, морам да го откажам настапот во Синсинати. Коленото сè уште ме мачи и морам да прифатам дека не сум целосно подготвен“, порача Синер.

Со неговото откажување, на Мастерсот во Синсинати нема да настапи ниту еден од финалистите од минатогодишното издание. Карлос Алкараз претходно го откажа учеството, па Новак Ѓоковиќ сега добива уште поголема можност да стигне до својата прва Мастерс титула сезонава. Синер, пак, главниот фокус го префрла кон опоравувањето и подготовките за УС Опен.

Jannik Sinner has withdrawn from the Cincinnati Open due to a right knee injury.

Wishing all the best to our 2024 champion and can’t wait to see you again next year! ❤️ pic.twitter.com/wYHY94viCE

— Cincinnati Open (@CincyTennis) August 9, 2026