Атлетико Мадрид ја забележа победата над Манчестер Јунајтед со 2:0 во Лигата на шампионите, но Диего Симеоне смета дека неговиот тим има простор за дополнителен напредок, особено во дефанзивата. Аргентинскиот стратег беше задоволен од играта на своите фудбалери, кои создале повеќе шанси и имале подобра контрола врз топката.

„Го започнавме натпреварот многу добро. Акцијата за првиот гол беше прекрасна. Кога ја пробивме нивната одбрана, создадовме опасни ситуации“, изјави Симеоне за УЕФА.

Тој ги пофали и Пабло Бариос и Џони Кардосо за нивниот напредок и придонесот во играта на тимот. Сепак, тренерот на Атлетико нагласи дека подобрата реализација мора да биде проследена со поголема сигурност во одбраната.

„Постигнуваме повеќе голови отколку на почетокот на минатата сезона, но мораме да продолжиме да се подобруваме во одбраната и да дозволуваме помалку шанси пред нашиот гол“, порача Симеоне.