Репрезентацијата на Швајцарија ја оправда улогата на фаворит и рутински обезбеди пласман во осминафиналето на Светското првенство. Избраниците на Мурат Јакин со сигурни 2:0 го совладаа Алжир во Ванкувер, правејќи крупен чекор кон историски резултат. Иако Алжирците тргнаа агресивно, паднаа уште од првата вистинска акција на противникот. Во 10. минута, по одличниот продор на Манзамби, Брил Емболо рутински ја погоди мрежата за водство од 1:0.

Сите дилеми околу победникот беа решени на самиот старт од второто полувреме. Дефанзивецот Бенсебаини направи катастрофална грешка во одбраната. Подарокот веднаш го искористи Дан Ндоје за зголемување на 2:0. Алжир се обиде да се врати во игра преку Ријад Марез, но Аканџи со пожртвуван блок ги сруши нивните надежи. Швајцарија во финишот пропушти шанса и за поубедлив триумф преку Ридер, а во елиминациската фаза сега го чека подобриот од дуелот меѓу Колумбија и Гана.