По повеќе од еден месец фудбал во Америка, дојде време за големото мундијалско финале. Вечерва во Њујорк, актуелниот светски првак Аргентина се соочува со европскиот шампион Шпанија.

Мечот носи директен судир меѓу генијалниот ветеран Лионел Меси и неговиот наследник, тинејџерот Ламин Јамал. Се чека и тактичката битка меѓу претставникот на тренерската професорска фела Луис де ла Фуенте и неговиот некогашен ученик Лионел Скалони.

Финалето ќе понуди соочување на два сосема различни фудбалски стилови. Препознатливиот шпански пресинг и посед ќе се судрат со агресивниот среден ред и брзата транзиција на „гаучосите“. Воедно, ова е директен дуел на најдобрата мундијалска одбрана против најубоитиот напад на турнирот.

Шпанија брка втора светска титула во историјата и потврда на доминацијата по освојувањето на Еуро 2024. Аргентина, пак, сонува да стане дури третата репрезентација со две последователни круни и вкупно четврти планетарен пехар. Големиот спектакл е закажан за вечерва со почеток од 21:00 часот.