Она што никој не посакуваше да го види се случи за време на осмата етапа од Вуелта а Еспања. Водечкиот во генералниот пласман и еден од најдобрите велосипедисти на денешницата, Словенецот Тадеј Погачар, доживеа тежок пад на 33 километри пред целта, по што мораше предвреме да го заврши настапот и да ги прекине сите надежи за освојување на единствениот Гранд тур трофеј кој му недостасува во кариерата.
❌El esloveno Tadej Pogacar abandona la #Vuelta2026 tras su caída a 32 kilómetros de la línea de meta en la etapa 8 con final en Xeraco.
📺Sigue en DIRECTO los últimos kilómetros #VueltaRTVE29a en Teledeporte y @rtveplay
🔴https://t.co/zr72vqETBh pic.twitter.com/KnHG69yx8H
— Teledeporte (@teledeporte) August 29, 2026
Снимките од хеликоптер покажаа дека Погачар, кој се возеше на левата страна од главната група, ненадејно скрена водесно и се судри со еден велосипедист од екипата на Висма, со што предизвика пад на повеќе натпреварувачи. Поради длабоки рани и расекотини на левото рамо и лицето, светскиот шампион веднаш беше пренесен со медицинско возило. Во моментот на инцидентот, Словенецот имаше убедлива предност во генералниот пласман од три минути и 50 секунди пред Енрик Мас и уште една минута повеќе во однос на Примож Роглич.
POGAČAR OUT OF LA VUELTA 💔
The race is over for the Slovenian following a crash after the intermediate sprint. Wishing Tadej a speedy recovery! 🙏 pic.twitter.com/jXhKLFNKJ7
— Cycling on TNT Sports (@cyclingontnt) August 29, 2026
Според првичните информации, Погачар за среќа не претрпел опасни повреди по животот, но неговото состојба беше доволно лоша за да мора да се повлече. Сè уште се чека деталната медицинска дијагноза, а не се исклучува ниту можноста сезоната за него веќе да е завршена, што би значело и потенцијално пропуштање на Европското првенство на домашен терен.
🔴 ¡DURÍSIMA CAÍDA DE TAREJ POGACAR! Se ha ido al suelo el esloveno a poco más de 30 kilómetros de meta. pic.twitter.com/YHbUDzInqh
— Diario AS (@diarioas) August 29, 2026
За тоа колку ретко се случуваат вакви моменти во неговата кариера говори и фактот што Погачар последен пат имаше пад пред 503 дена на класикот Париз – Рубе, трка која и покрај падот ја заврши на второто место, додека последен пат не успеа да заврши трка уште во 2023 година на монументот Лиеж – Бастоњ – Лиеж.