Севиља стигна до значајна победа на домашен терен, откако со 1:0 ја совлада Валенсија во натпреварот од петтото коло во Ла Лига. По мирното прво полувреме, домаќините значително го засилија темпото и веднаш по паузата создадоа неколку сериозни шанси. Кике Салас и Лукас Стасан се заканија во краток интервал, но Столе Димитриевски со одлични интервенции ја спаси Валенсија, додека во една ситуација гостите ги сочува и стативата.

Валенсија можеше да го казни промашувањето во 78. минута, кога Давид Оторби ја погоди гредата, но Севиља продолжи со притисокот. Домашните конечно го скршија отпорот во 81. минута. По нафрлањето од слободен удар, Хуан Антонио Иглесијас Санчес највисоко скокна во шеснаесетникот и со прецизен удар со глава погоди за 1:0. ВАР ја провери ситуацијата поради можна офсајд-позиција, но голот беше потврден.

До крајот Севиља успеа да го задржи минималното водство и да освои три важни бода. За Валенсија, пак, ова е уште еден тежок резултат, со кој тимот останува на само еден освоен бод по пет одиграни кола.