Легендарниот шпански дефанзивец Серхио Рамос ниту на 40-годишна возраст не размислува за заминување во пензија, туку е пред самиот праг на сензационален трансфер во англиската Премиер лига. Поранешниот капитен на Реал Мадрид и шпанската репрезентација ги договори сите детали со раководството на Астон Вила и наскоро треба и официјално да го облече дресот на клубот од Бирмингем.

Искусниот стопер пристигнува во Англија како слободен играч, што му овозможува на некогашниот европски шампион да го ангажира надвор од стандардниот преоден рок. Клучниот импулс во целата операција пристигна директно од менаџерот Унаи Емери. Шпанскиот кормилар лично стапил во контакт со Рамос за да го убеди да го прифати овој островски предизвик и да донесе шампионски авторитет и лидерска стабилност во дефанзивната линија на тимот.

За фудбалерот кој во својата кариера освои сè што можеше да се освои со Реал Мадрид, ПСЖ и Шпанија, вклучувајќи светска и две европски титули, како и четири пехари во Лигата на шампионите, ова ќе биде прво искуство на премиерлигашките терени. По последната епизода во мексиканскиот Монтереј, Рамос е подготвен за уште еден голем танц на најголемата фудбалска сцена.