Десниот бек Мартин Серафимов е нов член на Еурофарм Пелистер, откако играчот стави потпис на двегодишен договор и на тимот ќе му биде на располагање од сезоната 2026/27. Ракометарот доаѓа од Алкалоид, а претходно го носеше дресот на Металург, при што во Битола го гледаат како квалитетно засилување со потенцијал да остави белег.
Неговата официјална промоција е планирана за јули, во пресрет на летните подготовки. Еурофарм Пелистер нагласува дека традиционално дава силен придонес во успесите на македонската репрезентација, па затоа ангажманот на секој репрезентативец има посебно значење.
