Поранешниот претседател на ФИФА, Сеп Блатер, остро реагираше по одлуката да биде поништена суспензијата на американскиот репрезентативец Фоларин Балогун, оценувајќи дека ваквиот потег сериозно го нарушува кредибилитетот на светската фудбалска организација. Балогун првично беше исклучен со директен црвен картон на натпреварот против Босна и Херцеговина по опасен старт, но дисциплинската мерка подоцна беше преиначена во условна санкција. Одлуката предизвика бројни реакции, особено по шпекулациите дека на неа можело да влијае политички притисок.

Блатер порача дека ваквите случаи мора да се решаваат исклучиво според правилата и преку независни дисциплински тела, а не под какво било надворешно влијание. Тој предупреди дека доколку политиката почне да се меша во одлуките на фудбалските институции, ќе биде доведена во прашање довербата во системот. Со укинувањето на казната, Балогун ќе му биде на располагање на американскиот национален тим за осминафиналниот натпревар против Белгија, што дополнително ја засили дебатата околу контроверзната одлука.