Репрезентацијата на Мароко по вистинска борба успеа да го совлада жилавиот Хаити со 4-2, со што го завери второто место во групата и си закажа спектакуларен дуел против моќната Холандија. Иако на хартија се очекуваше рутинска победа, карипската селекција покажа заби, прва поведе преку Џозеф, а потоа имаше и предност од 2-1. Сепак, Мароканците во продолжение ги консолидираа редовите и со головите на Хакими, Јасин и Рахими стигнаа до посакуваните три бода.

Натпреварот комплетно помина во знакот на неверојатното остварување на Исмаел Саибари, кој пред крајот на првото полувреме погоди за 2-2 по фантастичниот центаршут на Хакими. Ова беше негов трет гол на шампионатот, по претходните погодоци против Бразил и Шкотска, со што офанзивецот се лансираше во мундијалската историја.

Со овој гол, Исмаел Саибари стана првиот дебитант во историјата на Светските првенства кој не доаѓа од Европа или Јужна Америка, а успеал да се запише во листата на стрелци на сите три натпревари од групната фаза.

Интересно е што Саибари воопшто не беше дел од култниот состав на Мароко кој блесна во Катар во 2022 година, но сега во Северна Америка ги дочека своите пет минути слава.