Иако Светското првенство во 2026 година сè уште не е завршено, во фудбалските кругови веќе започнаа разговорите за домаќинот на Мундијалот во 2038 година. Според повеќе светски медиуми, САД размислуваат повторно да се кандидираат, овојпат како единствен организатор.
Доколку таквото сценарио се реализира, Америка би била домаќин само 12 години по шампионатот што ќе го организира заедно со Канада и Мексико. Воедно, се споменува можност турнирот во 2038 година да биде првиот во историјата со дури 64 репрезентации.
Поддржувачите на оваа идеја сметаат дека САД располагаат со врвна инфраструктура, модерни стадиони и огромен организациски капацитет. Но, ваквите најави отворија и дебата дали ФИФА сè повеќе ги носи одлуките според економските интереси, наместо да им даде шанса и на други земји да бидат домаќини на најголемиот фудбалски спектакл.
Засега, сепак, нема официјална одлука. ФИФА не го започнала процесот за избор на организатор на Светското првенство во 2038 година, а информациите се базираат на најави и потенцијален интерес за американска кандидатура.
🇺🇸⚽️ FIFA is considering expanding the World Cup from 48 to 64 teams in 2038 — Sports Business Journal
“When you think that this World Cup may at some point expand out to 64 teams, I think the United States can handle it” — executive director of the White House World Cup Task… pic.twitter.com/zmai2HGJeZ
— Lord Bebo (@MyLordBebo) June 28, 2026