По Мексико, уште еден домаќин бара експресен пласман во нокаут фазата. Репрезентацијата на САД вечерва се соочува со селекцијата на Австралија. Двата тима имаат по три бода од првото коло. Победникот од овој дуел во Сиетл директно ќе обезбеди пласман во следната фаза. Американците беа убедливи на премиерата против Парагвај со 4-1. Од друга страна, „кенгурите“ приредија изненадување и ја совладаа Турција со 2-0.

Селекторот на САД, Маурисио Почетино, очекува тежок и физички натпревар. Тој нагласи дека тимот мора да остане ментално силен. Големо засилување за Американците ќе биде Кристијан Пулишиќ. Клучниот фудбалер е целосно заздравен и подготвен за игра. Неговото враќање на теренот носи дополнителна сигурност кај домаќините.

Неговиот колега Тони Поповиќ исто така има големи амбиции. Австралискиот предводник беше дополнително мотивиран од американските медиуми. Тој истакна дека навредливите коментари само го зголемиле мотивот кај играчите. Поповиќ порача дека Австралија во никој случај не е лесен плен.

По овој дуел следуваат возбудувањата во групата Ц. Точно на полноќ силите ќе ги одмерат Шкотска и Мароко. Веднаш по нив на теренот излегува фаворизираниот Бразил. Избраниците на Карло Анчелоти играат против аутсајдерот Хаити во 02:30 часот. Моќните „кариоки“ мора брзо да се поправат по шокантното реми на стартот.