Португалија одигра моќен натпревар и со убедливи 5-0 го совлада Узбекистан на Светското првенство, а во центарот на вниманието беше Кристијано Роналдо. Искусниот напаѓач постигна два гола и потсети дека и понатаму може да биде клучна фигура за својата репрезентација. Со првиот погодок испиша нова страница во историјата, станувајќи првиот фудбалер што постигнал гол на шест различни Светски првенства.

Роналдо беше блиску и до хет-трик, но немаше среќа во неколку ситуации пред противничкиот гол. Освен што двапати стрелаше, тој покажа и тимски дух, оставајќи му можност на Мендеш да изведе слободен удар од кој Португалија стигна до погодок. Со вториот гол, легендарниот Португалец стана и најдобар стрелец на својата земја во историјата на Мундијалите. Конечните 5-0 ги потврдија доминацијата на Португалците, кои испратија јасна порака дека имаат високи амбиции на турнирот.