Британскиот атлетичар Ромел Глејв го освои златото во трката на 100 метри на Европското првенство во Бирмингем, истрчувајќи ја патеката за 10.09 секунди. Неговиот сонародник Азу го освои сребрениот медал со седум стотинки заостанување, додека бронзата му припадна на Германецот Анса (10.19). Финалната трка ја одбележа и повредата на олимпискиот шампион Марсел Џејкобс, кој поради болки го намали темпото пред финишот и прошета низ целта завршувајќи на седмото место. Во женска конкуренција на 100 метри со пречки, Холанѓанката Висер го освои златото (12.67) со предност од само една илјадитинка пред Скришовска од Полска.

Италијанката Надја Батоклети доминираше на 5.000 метри и со силен финиш стигна до својата трета европска титула со време од 15:37.84, пред Марта Гарсија од Шпанија и сонародничката Микол Мајори.