Рома и Интер одиграа одлично дерби во Рим, но на крајот мораа да се задоволат со по еден бод. Натпреварот на „Олимпико“ понуди пресврти, четири погодоци и различни периоди на доминација, а по 90 минути резултатот гласеше 2-2. Римјаните имаа фантастичен старт и уште во раната фаза најавија дека се подготвени за голема битка. Ману Коне во шестата минута го отвори резултатот, а истиот фудбалер во 37. минута повторно ја затресе мрежата и ѝ донесе убедлива предност од 2-0 на Рома пред заминувањето на пауза.

Интер, сепак, не се предаде и целосно го промени текот на натпреварот во продолжението. Лаутаро Мартинез само што започна второто полувреме го намали заостанувањето на 2-1, со што гостите добија дополнителен импулс. „Нераѕурите“ продолжија да притискаат и во финишот стигнаа до посакуваното израмнување. Мартинез во 79. минута повторно се запиша меѓу стрелците и со својот втор гол на натпреварот ги постави конечните 2-2.

Со поделбата на бодовите, Рома и Интер остануваат на врвот на табелата со по 13 освоени бодови по пет одиграни кола. Рома е прва поради подобрата гол-разлика, додека Интер останува веднаш зад неа.