Капитенот на Алжир, Ријад Марез, стави крај на својата богата репрезентативна кариера. Искусниот фудбалер ја соопшти оваа одлука веднаш по елиминацијата од Светското првенство. Алжир синоќа претрпе пораз од Швајцарија со 2:0 во шеснаесетфиналето на Мундијалот во Ванкувер. Токму овој натпревар се покажа како последен за легендарниот офанзивец во националниот дрес.

По завршувањето на средбата, Марез одговараше на новинарски прашања за неговата иднина. Тој децидно потврди дека повеќе нема да игра за државниот тим. „Ова е мој последен настап за репрезентацијата воопшто. Ова беше мојот последен натпревар за Алжир“, изјави разочараниот член на саудискиот Ал Ахли.

Марез цели 12 години беше предводник на својата татковина на теренот. Во овој долг период тој запиша 120 настапи и постигна 40 голови. Негов најголем репрезентативен успех е титулата шампион на Африка во 2019 година. Тој заминува како втор на вечната листа на Алжир по бројот на мечеви, веднаш зад Аиса Манди кој има 123 настапи. Исто така, Марез е втор најдобар стрелец во историјата на земјата, каде лидер останува Ислам Слимани со 49 погодоци.