Индијана Пејсерс официјално ги претстави новите „Statement Edition“ дресови, инспирирани од препознатливиот дизајн што клубот го носеше кон крајот на 90-тите години. Франшизата се одлучи за враќање на легендарните вертикални линии, комбинирани со златна основа, црни пруги и темносини детали.

На предниот дел од дресот доминира натписот „Indiana“, додека на шорцевите е прикажана силуетата на сојузната држава со логото на клубот и ѕвезда што го означува Индијанаполис. Посебен детал е и натписот „Boom, Baby!“ на долниот дел од дресот, кој е посветен на легендарниот тренер и коментатор Боби „Слик“ Леонард. Од клубот истакнуваат дека новиот изглед претставува спој на традицијата и модерниот идентитет на Пејсерс. Интересно е што претходната генерација на дресови со ваков дизајн се поврзува со еден од најуспешните периоди во историјата на франшизата, кога Индијана девет сезони по ред настапуваше во плејофот, вклучувајќи го и финалето во 2000 година.

Where past meets present 👀

Ready to write the next chapter of Pacers history in our gold Pinstripes. pic.twitter.com/asEV4nh7vX

— Indiana Pacers (@Pacers) July 30, 2026