Рен оствари минимална победа од 1:0 против Олимпик Марсеј во натпреварот од четвртото коло во Лига 1, нанесувајќи му нов удар на тимот од југот на Франција. Марсеј подобро го отвори натпреварот и уште во 11. минута се закани преку Игор Пајшао, но Брис Самба одлично интервенираше. Голманот на Рен повторно беше на висината на задачата десетина минути подоцна, кога го запре опасниот удар на Тимоти Веа.

По паузата домаќините беа многу поконкретни и во 52. минута стигнаа до водство. По одлично нафрлување, Адриен Томасон се најде на вистинското место и со прецизен удар со глава ја испрати топката во горниот десен агол за 1:0. Марсеј во продолжението се обиде да дојде до израмнување, но одбраната на Рен успешно ги неутрализираше нападите на гостите. До крајот резултатот не се промени, па домаќините заслужено ги освоија трите бода. За Марсеј ова е трет последователен пораз во сите натпреварувања, што дополнително ја продлабочува кризата во тимот.