Реал Мадрид стана вториот патник на завршниот турнир во Евролигата, откако во Ботевград ја искористи втората меч-топка и со 3:1 во серијата го елиминираше Хапоел Тел Авив (87:81). Иако дебитантот од Израел започна силовито, „кралевите“ со серија од 13:0 брзо ја презедоа контролата и рутински го приведоа мечот до крај, доминирајќи најмногу во скок-играта (41:29).
На Хапоел не му помогна ниту фантастичната партија на Василије Мициќ, кој оствари индекс 34 со дабл-дабл учинок од 18 поени и 11 асистенции, како ни ефикасниот Даниел Отуру со 29 поени. Кај победникот, Усман Гаруба со 16 поени беше „Х-факторот“, додека Хезоња и Маледон додадоа по 14. Реал Мадрид сега го чека својот противник во Атина (22-24 мај), кој ќе биде подобариот од дуелот меѓу Панатинаикос и Валенсија.
