Водечката светска консултантска куќа „Brand Finance“ го објави овогодишниот извештај „Football 50“, кој ја потврди сè поголемата финансиска и комерцијална моќ на фудбалската елита. Вкупната вредност на 50-те најголеми клупски брендови во светот достигна рекордни 23,9 милијарди евра, при што водечките десет клубови учествуваат со дури 14,9 милијарди евра во вкупната сума.

На самиот врв, трета година по ред, се наоѓа Реал Мадрид со вредност на брендот од 2,4 милијарди евра (раст од 25%), благодарение на целосното функционирање на реновираниот „Сантијаго Бернабеу“ и рекордно остварените приходи за минатата сезона. Втората позиција ја задржа Барселона со вредност од 2 милијарди евра (раст од 15%), поттикната од враќањето на „Спотифај Камп Ноу“ и спортските успеси.

Најголемото изненадување и скок во извештајот го направи Арсенал, кој се искачи за пет позиции и го освои третото место со вредност од 1,5 милијарди евра (раст од 28%), следен од освојувањето на премиерлигашката титула и пласманот во финалето од Лигата на шампионите. Во редоследот на првите десет следат Бајерн Минхен (1,5 милијарди евра), ПСЖ (1,5 милијарди евра), Манчестер Сити, Ливерпул, Манчестер Јунајтед, Челси (955 милиони евра) и Борусија Дортмунд (664 милиони евра), кои по десет години одново се вратија меѓу елитата.