Меѓународен фудбал Фудбал

Раул Гонзалез се враќа на тренерската работа, го презема Овиедо

Легендарниот капитен на Реал Мадрид и поранешен шпански репрезентативец, Раул Гонзалез Бланко, е пред нов предизвик во тренерската кариера. Шпанските медиуми објавуваат дека 48-годишниот стратег ќе седне на клупата на Овиедо, каде што ќе добие задача да го стабилизира тимот и да донесе подобри резултати.

За Раул ова ќе биде прв тренерски ангажман надвор од структурите на Реал Мадрид. По завршувањето на минатата сезона, тој го напушти Реал Мадрид Кастиља, вториот тим на „кралскиот клуб“, на чија клупа помина повеќе години и забележа повеќе од 200 натпревари. Во тој период оствари и значаен успех со младинската екипа, освојувајќи ја Лигата на шампионите за фудбалери до 19 години.

Во Овиедо доаѓа како наследник на Хулијан Калеро, кој ја загуби работата по неуспехот во Кралскиот куп и елиминацијата од четвртолигашот Нумансија. Управата на клубот се одлучи за добро познато фудбалско име, надевајќи се дека Раул ќе успее да внесе нова енергија и да го подобри настапот на тимот. Според пишувањата на шпанскиот весник „АС“, Раул би можел да дебитира на новата функција веќе претстојниот викенд, кога Овиедо ќе се соочи со Жирона.

Содржината, авторските текстови, материјали, фотографии, видеа и друга мултимедијална содржина на Sportei.mk се заштитени со Законот за авторско право и не смеат да се користат или злоупотребуваат без претходна писмена согласност од редакцијата.

No more posts to load.