Женската сениорска репрезентација на Македонија, предводена од Кристијан Грчевски пристигна во Словенија за натпревар против домашната селекција. Нашата делегација се наоѓа во Велење, градот каде ќе го одиграат можеби најважниот меч во овие квалификации за Европското првенство.
Целта на националниот тим e исклучиво само победа за задржување на позицијата број три, која води до најдобро третопласирани селекции, но важен е исходот и на натпреварите од другите групи, односно моментално третопласирани селекции.
