Најверните навивачи на Вардар по лошото издание на своите миленици по поразот на домашен терен од Шкендија со 0-2 го кренаа гласот против моменталното раководство на клубот. Иако во изминатиот период односите на релација навивачи-управа беа релативизирани, од вчера, Комитите повторно влегоа во војна со управата на клубот.

Причина за ваквиот епилог на настаните се катастрофалните изданија на тимот предводен од Кристијан Фабијани, фамозно најавениот стратег од Аргентина, кој засега не успева да се снајде најдобро во нашиот најдобар фудбалски колектив.