ПСЖ официјално ја засили крилната позиција со ангажманот на Магнес Аклиуш од редовите на Монако. За францускиот репрезентативец „светците“ му исплатија 50 милиони евра на клубот од Кнежевството, а играчот потпиша долгорочен договор со важност до 2031 година, што за него претставува голем чекор напред по одличните настапи изминатите три сезони.

Со овој трансфер ПСЖ комплетираше само еден од трите големи проекти на кои работи ова лето. Раководството на парискиот клуб сега го пренасочува фокусот кон крилото на Ајакс, Мика Годтса, како и кон својата примарна желба, Феран Торес. Според француските медиуми, актуелниот европски шампион е многу блиску до целосен договор со Барселона за трансфер на шпанскиот херој вреден 90 милиони евра, а со самиот фудбалер веќе се усогласени личните услови за петгодишна соработка.