Светскиот фудбал и официјално зачекори во нова ера. Претстојната репрезентативна пауза е прва по цели осум години во која на терените нема да ги видиме двете најголеми фудбалски легенди на денешницата, Лионел Меси и Кристијано Роналдо. По повеќе од две децении носење на националниот дрес, и двајцата асови ставија крај на своите репрезентативни кариери, оставајќи зад себе историја што тешко дека некогаш ќе биде повторена.

Меси го најави своето повлекување летово по завршувањето на Светското првенство, а последниот меч за Аргентина го одигра на 6 октомври против Бенин во Буенос Аирес. Со тоа стави печат на репрезентативна кариера започната уште на 17 август 2005 година, во која на 208 натпревари постигна 126 голови, се искачи на светскиот трон во 2022 година и двапати ја освои Копа Америка.

Од друга страна, Кристијано Роналдо ненадејно ја прекина репрезентативната приказна на 5 ноември поради незадоволство од одлуките на селекторот Жорж Жесус. Неговиот последен настап за Португалија беше против Велс на 24 септември. Роналдо дебитираше за националниот тим на 20 август 2003 година и на 234 меча постигна рекордни 146 голови, предводејќи ја земјата до европската титула во 2016 година и два трофеи во Лигата на нации.

Последен пат ваква ситуација, репрезентативен прозорец без ниту еден од нив двајцата, беше забележана во септември 2018 година, веднаш по Мундијалот во Русија. Со нивното дефинитивно заминување од националните тимови се затвора едно од најголемите и најважните поглавја во фудбалската историја, а се поблиску е и денот кога двете легенди ќе решат комплетно да ги закачат копачките на клин.